- 006 -
1470 (2. lipca) Dano w obozie pod HodoninemMiasto w Rep. Czeskiej..
Król Maciej KorwinMaciej Korwin (łac.: Matthias Corvinus, węg.: Hunyadi Mátyás, zwany Sprawiedliwym, węg. Igazságos), król Węgier, Chorwacji od 1458 i Czech od 1469 roku. do wrocławskiej Rady w sprawie monety.
Mathias von gots gnaden zu Hungern zu Beheim kunig.
De commisione propria domini regis.
— Ersamen fursichtigen weisen lieben getrewen. Als wir ew vormals geschriben und underricht hette von der münss wegen, die daselbst in unser stat Bresslaw gemünsst solt gewesen sein, nu sein wie yecz underricht durch den edelen unsern lieben getrewen Franczn vom Hag unserm haubtmann in Slesy, wie er aius mit ew sey worden von solher münss wegen, also daz solh münss auf viertzigk grossen fur ain Hungerischen gulden oder ducaten geslagen und geprawcht sol werden, uns ew allen und denselben unsern furstentumben zu merern nucz und frummen, daran wir dann auch ain wolgevallen haben, und darumb daz solhe unser münss dest furderlicher gemunsst werde, emphelen wir ew ernstlich, daz ir den mussmaister von unsern wegen daran haldet, damit er zu den sachen anfahe, als wir im auch darumb geschriben haben. Wir haben auch geschribenunserm liebn getrewn Hannsen von der Heyde ewern haubmanne, daz er mit sambt ew ainen guten und redlichen man, der zu der brob und andern dingen kan und bewert ist, darczu ordnet und seczet, damit kainerlay schad oder unfueg darinn beschehe, dann wir haben vornomen, wie ettlich das silber furkafften und solhs auss unsern landen in frombde lande furen. Darumb seit darob und emphelhen wir ew aber, daz ir das noch kainerlay wexl ausserhalb unser kamer nicht gestattet, sunder solchs silber zu nucz und notdurfft unser kamer verfahet und anleget. Sunder wir haben auch geschriben anderen fursten in Slesy, nachden und wir vernemen, daz sy von alters her privilegirt sein, daz sy selber munczen mugen, und darumb wir sein wol daran doch also daz sy solche muncz slahen lassen, die da am korn und wird unser munss gleichet, damit dardurch ew und dem land kainerley irrung oder schad beschehe. Am letzten wir wellen, alspald sohl unser münss angefangen wirt, daz ir danne an alles verchihen ainen vernufftigen und redlichen man zu uns schikhet, der uns wisse der munss halben und von andern sachen klerlicher underrichten.
Geben ym veld vor Goding an unserer lieben frawen tag visitacionis anno domini etc. LXX°, unser reich des Hungrischen etc. im drewczehenden und des Behemischen in andern iaren.
Der ersamen fursichtigen weisen unsern lieben getrewen . . . dem burgermaister und ratmannen zu Breslaw.